Ministri i Brendshëm Taulant Balla ka bërë një bilanc sa i takon megaoperacionit “Tempulli”, në luftën kundër shpërndarjes së lëndëve narkotike.
Balla në reagimin e tij shkruan se se deri tani janë 482 persona të arrestuar apo proceduar.
Ndërkohë u ka bërë thirrje qytetarëve, stafeve pedagogjike dhe nxënësve që të raportojnë çdo paligjshmëri.
Reagimi i Ballës:
Lufta kundër shpërndarësve të lëndëve narkotike përmes Operacionit Kombëtar “Tempulli” po jep çdo ditë rezultate, me 482 persona të arrestuar/proceduar deri më tani.
Përgëzoj 
Policinë e Shtetit në Dibër dhe Mat për goditjet e djeshme dhe nxis gjithë strukturën e Policisë të vazhdojmë intensifikimin e forcës sonë goditëse ndaj çdo forme kriminaliteti.
Ripërsëris ftesën time për qytetarët, stafet pedagogjike dhe vetë nxënësit që të mbështetin punën e Policisë në kuadër të #PaketaeSigurisënëshkolla duke raportuar çdo paligjshmëri.
