Zayn Malik po përpiqet të rikthehet me Gigi Hadid pavarësisht spekulimeve për romancën e saj të re me aktorin, Leonardo DiCaprio.
Sipas “Hollywood Life”, Zayn ka një marrëdhënie të shëndetshme prindërore me supermodelen, por ai shpreson të ribashkohet me të.
“Zayn ka ende shpresa për t’u ribashkuar me Gigi-n. Ata janë në marrëdhënie të mira tani për hir të vajzës së tyre, por ai e ka bërë të qartë se do të donte një mundësi tjetër me të”- tha një burim.
Kjo vjen mes të thashethemeve se Gigi është lidhur me yllin e Titanikut, i cili ka qenë kryefjalë e mediave për rregullin e tij të lidhjeve me vajza “nën 25-vjeç” që nga ndarja e tij me Camila Morrone. Dhe megjithëse supermodelja 27 vjeçare, dhe fituesi i Oskarit, 47 vjeç, ende nuk e kanë konfirmuar publikisht statusin e tyre të marrëdhënies, një burim tregoi për E! News ku qëndrojnë aktualisht dy yjet botërorë.
“Leo ka pyetur miqtë e përbashkët për Gigi-n dhe dëshiron ta njohë atë. Ata janë shoqëruar disa herë dhe ai është i interesuar”, shpjegon burimi i afërt me aktorin e Titanikut.
Megjithatë, siç theksojnë burimet, ata nuk janë në një marrëdhënie “të konsoliduar”. “Gigi po argëtohet me të. Ajo nuk është e interesuar për asgjë serioze”– thotë burimi i brendshëm për Hadid, i cili ndan vajzën 2-vjeçare Khai me ish- Zayn Malik.
Ky zbulim i dyshes vjen vetëm disa ditë pasi ata u panë së bashku në New York City. Siç raportoi Daily Mail në fillim të kësaj jave, Hadid dhe DiCaprio së fundmi dolën për një event në Casa Cipriani në mes të Javës së Modës në New York.
