Presidenti Ilir Meta në konferencë për mediat: Doja të tërhiqja vëmendjen tuaj sot, në një ditë jo të zakonshme, të shtunën, mendova të gjeja një moment të flisja me ju për çeljen e negociatave me Bashkimin Europian. Dua të vlerësoj sot rezolutën e miratuar dy ditë më parë në parlamentin Europian. Dua të vlerësoj mbështetjen e gjerë për anëtarësimin e Shqipërisë dhe Maqedonisë së Veriut në BE.
Raporti i BE shpreh shqetësimin për klimën e polarizuar politike. Shpreh keqardhje për ndryshimet jo-konsensuale të Kushtetutës dhe të Kodit Zgjedhor nga mazhoranca qeverisëse.
