– Që kur Jennifer Lopez dhe Ben Affleck u rikthyen si një nga çiftet më të fuqishëm të Hollivudit, gjithçka tregon se tashmë ka plane dasme mes çiftit pasi çifti dëshiron të kalojnë jetën së bashku.
Sipas ET, pas 17 vitesh të ndarë, ‘Bennifer’ siç i kanë pagëzuar mediat dhe fansat, kanë treguar se po përjetojnë një nga fazat më të mira të jetës së tyre dhe se kanë arritur të balancojnë stilin e jetës mes punës dhe familjes.
“Ben dhe Jen mezi presin të kalojnë pjesën tjetër të jetës së tyre së bashku dhe ata e dinë se ishin menduar të ishin bashkë. Ka një angazhim në tryezë dhe ka qenë një bisedë e vazhdueshme”, tha një burim.
Ishte viti 2021 kur çifti vendosi t’i jepte vetes një shans më shumë dhe që atëherë, është folur shumë për të ardhmen e tyre dhe nëse më në fund do të mbërrijnë në altar siç pritej në 2004. Gjatë verës, aktori u kap në disa dyqane bizhuterish duke parë unaza fejese, që të bënte të mendohej se një dasmë ishte afër.
Kujtojmë se çifti filloi romancën e tyre në vitin 2002, u fejuan në 2003 dhe u ndanë në 2004 kryesisht për shkak të mediave, tha Affleck së fundmi. Ndonëse vazhdojnë të jenë një nga qendrat e vëmendjes mediatike, duket se këtë herë gjithçka është ndryshe, pasi kanë mësuar nga e kaluara.
