Rusia njoftoi se kishte shkëmbyer 95 tw burgosur ukrainas me të njëjtin numër të burgosurish rusë, pas negociatave të zhvilluara nën kujdesin e Emirateve të Bashkuara Arabe.
“Falë këtij negocimi, 95 ushtarë rusë u liruan”, njoftoi Ministria ruse e Mbrojtjes.
Ministria, në një postim në aplikacionin e mesazheve Telegram, tha se ushtarët rusë të kthyer iu nënshtruan kontrolleve mjekësore në Bjellorusi, një nga aleatët më të ngushtë të Rusisë në luftën më shumë se dy vjeçare e gjysmë.
Të dy kampet kanë shkëmbyer tashmë qindra të burgosur që nga fillimi i ofensivës ruse në Ukrainë në shkurt 2022, pas marrëveshjeve të negociuara përmes Emirateve, Arabisë Saudite ose Turqisë.
