Ndër imazhet më ikonike të kësaj fundjave të fundit të Serisë A është sigurisht edhe ajo e Mourinhos, i cili imitoi një telefonatë në pankinë, përpara se të përjashtohej nga gjyqtari Pairetto. Ndërsa Roma e tij, e cila kishte rikuperuar dy gola kundër Veronës falë te rinjve Volpato dhe Bove, tentoi sulmin klasik të fundit per ta fituar sfiden, trajneri portugez përfundoi para kohe në dhomat e zhveshjes.
Protestat e tij të ashpra i kushtuan kartonin e kuq, dhe ajo që është akoma më e rëndë, ato mund të sanksionohen – pas raportit – me një skualifikim nga gjyqtari federal sportiv. Në orët e fundit, thashethemet e reja kanë dalë në lidhje me fjalitë e bërtitura në adresën e gjyqtarit nga Special One…
Ndeshja mes José Mourinhos dhe arbitrit Pairetto ishte një ndeshje brenda ndeshjes midis Romës dhe Veronës. Që në fillim trajneri u shfaq shumë nervoz, ndoshta si pasojë e polemikave nga e kaluara dhe nga Bologna-Roma, ku sipas tij Zaniolo nuk ishte mbrojtur nga arbitri.
Nervozizmi dhe zhgënjimi për zgjedhje të pandarë si mungesa e penalltisë ndaj Pellegrinit shpërtheu më pas në shtese kur koha e humbur e kundërshtarëve dhe shtesa jo si duhej, e shtynë atë të ankohej në mënyrë flagrante…
Paralajmërimi i marrë nuk e përmirësoi situatën me Mourinhon, i cili pasi hodhi një top larg, imitoi gjestin e telefonit drejt arbitrit. Çfarë donte të thoshte José me këtë mimikë? Vështirë për t’u thënë, me rrjetet sociale të lëshuara për referenca të mundshme ndaj telefonatave të marra nga Pairetto në përpjekje për të ndërlikuar planet e Romës.
Në atë moment, ndodhi përjashtimi, me Mourinhon që u ndalua nga bashkëpunëtorët e tij. Trajneri i Romës, pasi ka përshëndetur Tudorin dhe stolin kundërshtar, ka shkuar në dhomat e zhveshjes duke vazhduar debatin dhe ankimin e hapur. Pas ndeshjes, trajneri preferoi të mos fliste, më pas u strehua në një postim në rrjetet sociale.
Ndërkohë nuk munguan thashethemet për atë që ndodhi. La Stampa ka zbuluar disa nga frazat e bërtitura nga Mourinho si në fushë ashtu edhe në tunel: “Të dërguan me qëllim, Juve të dërgoi”.
Fjalë të rënda ndaj arbitrit piemontez, fajtor sipas tij për një arbitrazh jo në përputhje me situatën dhe që do të kishte penalizuar Romën. Gjithçka do të ishte dëgjuar nga njerëzit e Prokurorisë Federale të FIGC-së dhe për këtë arsye mund të përfundonte në raportin që arbitri dhe bashkëpunëtorët i paraqesin si gjithmonë gjyqtarit sportiv.
