SHBA
Muzikanti i njohur, Bryan Adams ka rezultuar pozitiv me COVID-19, për herë të dytë brenda një muaji.
Rokeri, i cili është edhe fotograf, tregoi në një postim në Instagram se kishte rezultuar pozitiv pas mbërritjes në aeroportin Malpensa në Milano.
“Kam rezultuar pozitiv për herë të dytë brenda 1 muaji”, shkroi Adams.
Gjithashtu, Adams u tërhoq nga një performancë në një ceremoni në Rock and Roll Hall of Fame, pasi u infektua me koronavirus. Përfaqësuesi i tij tha në atë kohë se Adams ishte “i vaksinuar dhe nuk kishte fare simptoma”.
