Udhëheqësi çeçen Ramzan Kadyrov pretendon se 40,000 luftëtarë të tij janë gati të nisen për në Ukrainë.
Ai thotë se mijëra të rinj nga Republika Çeçene po ndjekin veprimet e luftëtarëve të tyre dhe secili prej tyre dëshiron të bëhet vullnetar.
“Kam marrë dhjetëra kërkesa dhe propozime nga qytetarët e Republikës me qëndrim aktiv qytetar. Skuadrat e vullnetarëve nga radhët e çeçenëve janë të gatshëm në çdo moment për t’u bashkuar me radhët e luftëtarëve tanë”, ka shkruar Kadyrov.
Kadyrov ka udhëhequr Çeçeninë që nga viti 2007. Ai ishte një nga avokatët më të zëshëm jo vetëm për luftën kundër Kievit, por edhe për aneksimin e të gjithë vendit.
Myftiu çeçen Salah Mezhiev, mik i presidentit rus Vladimir Putin dhe lideri shpirtëror i liderit çeçen Ramzan Kadyrov, u dha një fetva luftëtarëve çeçenë se lufta në anën ruse në Ukrainë është xhihad, shkruan Dnevnik.ba.
