Këngëtari legjendar i grupit Menudo, Ray Reyes, ka ndërruar jetë në moshën 51-vjeçare.
Ky lajm u bë i ditur nga vëllai i tij nëpërmjet një postimi në Facebook, megjithatë ai nuk dha detaje të mëtejshme mbi shkakun e vdekjes.
Së fundmi, “Primera Hora” ka raportuar se shkaku i vdekjes ishte një sulm në zemër.
Kujtojmë se Ray iu bashkua grupit Menudo në 1983-tën kur ai ishte vetëm 13 vjeç. Ai ishte në grup në të njëjtën kohë me Ricky Martin.
Këngëtari u rrit në Porto Riko. Ai u bashkua me grupin Menudo në 1983 . Grupi konsiderohet gjerësisht si një nga bendet më të mëdha latine në histori.
Albumi i tij i parë me grupin ishte A Todo Rock, në të cilin ai këndoi si vokal kryesor për këngët: “Si Tu No Estas”, “Chicle De Amor” dhe “Zumbador”.