Edmond Jonuzaj, 41 vjeç dhe i dënuar me 12 vite burg, ka ndërruar jetë në mënyrë të mistershme mbrëmjen e sotme. Jonuzaj, po vuante dënimin në burgun e Drenovës në Korçë, ku i kishin mbetur edhe katër vite për të shlyer.
Mbrëmjen e sotme Edmond Jonuzaj është ndjerë keq dhe është nisur për në spitalin e Korçës. Por, pas mbërritjes në spital, ai ka ndërruar jetë, për arsye që ende nuk dihen.
Tashmë, Jonuzaj do t’i nënshtrohet ekspertizës mjeko-ligjore për tu zbuluar dhe shkaku që e bëri të humbte jetën. Nuk dihet nëse Jonuzaj ka pasur ndonjë përleshje në burg, apo nëse vuante nga ndonjë sëmundje.
