Besimtarët myslimanë do të festojnë ditën e nesërme festën e Kurban Bajramit. Bashkia e Tiranës i ka ardhur në ndihmë Komunitetit Mysliman duke vënë në dispozicion sheshin “Skënderbej” për faljen e namazit.
Aktiviteti do të nisë në orën 05:30 të mëngjesit deri në orën 07:30.
Ndërkohë përgatitjet në sheshin “Skënderbej” kanë nisur.
Pas përfundimit të faljes së Kurban Bajramit do të bëhet edhe lirimi i hapësirës publike dhe sheshi “Skënderbej” do i rikthehet aktivitetit normal për t’u shfrytëzuar nga qytetarët.
“Jemi në prag të festës së madhe të Kurban Bajramit. Së shpejti do të kemi rastin t’i përjetojmë begatitë dhe dhuratat e saj të mëdha. Falënderojmë Zotin që na e bëri të mundur t’i presim edhe njëherë këto ditë të mëdha të Kurban Bajramit. Kurban Bajrami është festa e myslimanëve, është festa e një miliard e gjysmë njerëzve të planetit. Të festuarit e këtyre ditëve na përkujtojnë ditët e lavdishme të së kaluarës së ndritshme islame dhe na nxisin në angazhime më të vendosura, për detyra më të reja dhe energji më të mëdha në organizimin dhe krijimin e një të ardhmeje solide. Kur’ani, Haxhi dhe Kurbani janë përmbajtje themelore të Kurban Bajramit, që paraqesin tre ideale të larta islame.”- shkruhet në postimin e Komunitetit Musliman të Shqipëtarëve në Facebook.
Më poshtë gjeni programin zyrtar të organizimit nga Komuniteti Mysliman i Shqipërisë:
