Shtetet e Bashkuara të Amerikës kanë filluar me shpërndarjen e miliona dozave të vaksinës anti-Covid.
Përmes një njoftimi për shtyp ka qenë Shtëpia e Bardhë ajo e cila ka bërë me dije se pjesë e kësaj liste është edhe Kosova.
“Sot Administrata Biden-Harris njofton për listën shpërndarëse për 55 nga 80 milionë dozat nga rezervat e Amerikës që Presidenti Biden është zotuar se do t’i ndajë deri në fund të qershorit në shërbim të përfundimit të pandemisë në nivel global. Përafërsisht 14 milionë ose 25 për qind e këtyre 55 milionë vaksinave –do të ndahen ne prioritetet rajonale dhe marrësit e tjerë
Ndarja e miliona vaksinave të ShBA-së me shtetet e tjera jep shenjë për një zotim të madh nga Qeveria e Shteteve të Bashkuara”, thuhet në deklaratën e Shtëpisë së Bardhë.
Ndërsa, sasia e dozave që do u dhurohen shteteve do të përcaktohet në bazë të parametrava logjistikë, rregullues dhe kritereve të tjera që vlejnë veçanërisht për secilin rajon dhe shtet.
