Në Turqi duhet të paguash dritat se t’i presin, madje edhe po të jesh drejtues partie. Mirëpo energjia elektrike është rikthyer në banesën e kreut të opozitës kryesore të Partisë Popullore Republikane, Kemal Kılıçdaroğlu pasi ai pagoi faturat e tij të papaguara, duke i dhënë fund protestës së tij njëjavore kundër qeverisë për rritjen e çmimeve.
Kompania private e energjisë ndërpreu energjinë elektrike në shtëpinë e Kiliçdaroglu, pasi ai nuk i paguante faturat që nga muaji shkurt. Ai kishte thënë se e nisi këtë protestë për të qenë zëri i atyre që nuk kanë mundësi të paguajnë faturat e larta të shërbimeve.
“Unë, me gruan time, do të jetojmë në errësirë [në shtëpinë tonë] për një javë,”- tha Kılıçdaroğlu në një video-mesazh që postoi në llogarinë e tij në Twitter vonë më 21 prill. Madje postonin dhe video nën dritën e qirinjve.
