Dje në mëngjes u gjet i vrarë në një mjet Xhuljano Bullari 25-vjeç. Ai u gjet i pajetë nga disa kalimtarë të rastit në fshatin Babicë, brenda një mjeti tip Fiat Punto.
Më pas sipas hetimeve të policisë, rezultoi se i riu ishte qëlluar me tre plumba, njëri prej të cilëve në kokë që i ka shkaktuar edhe vdekjen.
Sipas ekspertizës, Xhuljano nuk e ka pritur se do të qëllohet,gjykuar nga pozicioni i kokës.
Hetuesit thonë se Bullari ka arritur aty i shoqëruar nga persona të njohur, të cilët e kanë çuar në pritë dhe e kanë qëlluar rreth orës 21:00 të darkës.
Mister mbetet ende arsyeja e vrasjes por mësohet se i riu kishte pak kohe që kishte dalë nga burgu, ku kishte vuajtur një dënim për transport të paligjshëm të disa sirianëve.
