Nga Bulqiza, ku zhvilloi një takim me minatorët, kreu i Partisë Demokratike, Sali Berisha i kërkoi qytetarëve t’i japin votën më 11 maj, pavarësisht bindjeve politike. Ai tha se nuk ka ambiecie pushteti në këtë moshë. Ndër të tjera, akuzoi kryeministrin Edi Rama se kërkoi të eliminonte opozitën, por nuk ia doli.
Berisha: Në këtë moshë, nuk kam ambicie pushteti. E ndiej mision që të mos pajtohem kurrë me këtë poshtërim që u bëhet 760 mijë shqiptarëve me një pesnion mizerabël. Edi ti nuk je i rrjedhur, je i tmerruar. Ti bën si i rrjedhur. Hajde këtu në këtë sallë, të dalim këtu para këtyrr burrave. Mos dil me Lamborghinin e Noizyt, po dil me këtë. Dil këtu dëgjoji këta burra çfarë sakrifice kanë bërë. Ti e ke mendjen te Lamborghini. Edi Rama, ke marrë fund! U përpoqe t’i bësh gropën opozitën, por ke rënë brenda vetë për të mos dalë kurrë më. Ta dini këtë. Nuk del më! Ndaj dhe 11 Maji, le të bashkohemi pavarësisht nga bindjet politike.
