Organizata Botërore e Shëndetësisë (OBSH) është “thellësisht e shqetësuar” nga raportet e sulmeve në objektet e kujdesit shëndetësor në Ukrainë, tha shefi i OBSH-së Tedros Adhanom Ghebreyesus.
Ghebreyesus tha në një konferencë për shtyp se OBSH po punon për të verifikuar raportet e “sulmeve ndaj objekteve shëndetësore dhe punonjësve shëndetësorë” dhe tha se sulmet ndaj kujdesit shëndetësor do të ishin “në shkelje të ligjit ndërkombëtar humanitar”.
Shenjtëria dhe neutraliteti i kujdesit shëndetësor, duke përfshirë punonjësit shëndetësorë, furnizimet e pacientëve, transportin dhe objektet, si dhe e drejta për akses të sigurt në kujdes duhet të respektohen dhe të mbrohen.
OBSH konfirmoi një raport javën e kaluar në të cilin një spital u sulmua nga armë të rënda, duke vrarë katër persona dhe duke plagosur 10, duke përfshirë gjashtë punonjës shëndetësorë, tha shefi i OBSH-së.
