Pamje tronditëse janë publikuar nga mediat në Greqi në momentin kur një 54-vjeçar ndjek me thikë ish-bashkëshorten 48-vjeçare e cila mbeti viktimë e sulmit të tij.
Në video shfaqet autori i vrasjes i cili ndjek gruan e tij ndërsa ajo vrapon për të shpëtuar, por më kot. Ai ecën me një kaskë në kokë ndërsa në duar mban një thikë të madhe.
Pasi kryen krimin ai largohet i pashqetësuar nga vendi i ngjarjes duke mbajtur thikën në dorë. Më pas me një motor, largohet nga vendi i krimit.
Pronari i biznesit ku ndodhi ngjarja lajmëroi policinë. Vajza e madhe e çiftit bashkë me nënën e ndjerë e kishin raportuar vazhdimisht dhunuesin te autoritetet për dhunë në familje.
Pak orë pasi kreu krimin autori u vendos në një shkëmb duke kërcënuar për 7 orë me radhë se do të hidhet nëse dikush do afrohej pranë tij.
