Papa Françesku ndryshon deklaratën e mëparshme për martesat e të njëjtit seks

Në një njoftim më 15 mars, Vatikani tha se bekime të tilla si martesa mes dy njerëzve të të njëjtit seks nuk janë “të lejueshme”, sepse kisha nuk lejon martesa homoseksuale.

Sipas Reuters, Papa Françesku ka miratuar vendimin, duke deklaruar se ai nuk synon që kjo të jetë një formë e diskriminimit të padrejtë, por përkundrazi një “kujtesë e së vërtetës së ritit”.

Nga ana tjetër, u tha se njerëzit homoseksualë janë të mirëpritur në çdo institucion fetar.

Në një deklaratë që shpjegon vendimin e saj, CFD (Doktrina e Besimit për Vatikanin) tha se “nuk ka absolutisht asnjë bazë për të konsideruar bashkimet homoseksuale në ndonjë mënyrë të ngjashme apo analoge me planin e Zotit për martesë dhe familje.”

Vendimi devijon nga deklarata e mëparshme e Papa Françeskut se ai mendon se çiftet e të njëjtit seks duhet të lejohen të kenë bashkime civile.

Në një dokumentar për jetën dhe veprën e tij, “Francesco”, i cili u shfaq premierë në Festivalin e Filmit në Romë vitin e kaluar, Papa Françesku tha se njerëzit homoseksualë kanë të drejtë të jenë në një familje.

“Ata janë fëmijë të Zotit dhe kanë të drejtë për një familje. Askush nuk duhet të hidhet jashtë ose të bëhet i mjerë për shkak të tij. Ajo që duhet të krijojmë është një ligj i bashkimit civil. Në këtë mënyrë ata janë të mbuluar ligjërisht”, shtoi ai.

Sidoqoftë, qëndrimi i tij nëse ai beson se bashkimet e të njëjtit seks duhet të bekohen nuk ishte plotësisht i qartë. Ai gjithashtu tha se beson se martesa midis një burri dhe një gruaje është “tërësisht ndryshe” nga një bashkim midis çifteve të të njëjtit seks.

Vendimi i fundit padyshim do të përballet me reagime nga grupet e të drejtave civile të cilët kishin mirëpritur komentet e mëparshme të Papës.

Burimi: Unilad