Paraguai po përballet me temperaturat më të larta në histori të vendit. Departamenti i meteorologjisë ka njoftuar se temperaturat kanë arritur në 40 gradë Celsius.
Që prej ditëve të para të muajit janar, në shumë qytete të shtetit latin është thyer rekordi i temperaturave, të cilat kanë arritur deri në 43 gradë Celsius.
Departamenti i meteorologjisë ka bërë të ditur se në vitet e fundit Paraguai është përballur më shpesh me mot ekstrem, përfshirë temperaturat e larta dhe stuhitë e fuqishme.
Departamenti ka njoftuar se mot të tillë ekstrem nuk ka regjistruar kurrë më parë, përveç në dy-tre vjetët e fundit. Shteti gjithashtu është përballur edhe me thatësinë ekstreme.
Autoritetet në Paraguai kanë thënë se periudha mes viteve 2019-2022 ka qenë më e thata që prej vitit 1960. Shkaku i thatësisë edhe shteti fqinj Uruguai ka deklaruar emergjencë agrikulturore në muajin tetor. Vështirësi është raportuar edhe në furnizimin me ujë.
