Pas breshërisë së pushimeve nga puna, Elon Musk “kërcënon” me falimentimin e Twitter

0

Pronari i ri i Twitter-it, Elon Musk ditën e djeshme ngriti dyshimet e një falimentimi të mundshëm të platformës së rrjeteve sociale.

Miliarderi u tha punonjësve të Twitter gjatë një telefonate se ai nuk mund të përjashtojë mundësinë e falimentimit.

Siç raporton Bloomberg News, situata financiare e Twitter Inc është e paqëndrueshme, dy javë pas përfundimit të marrëveshjes për ta blerë atë nga Musk për një çmim prej 44 miliardë dollarësh (43.26 miliardë euro).

Dy drejtuesit e Twitter, Joel Roth dhe Robin Wheeler , të cilët moderuan një diskutim me Musk të mërkurën në një përpjekje për të qetësuar shqetësimet e ngritura nga reklamuesit, kanë dhënë tashmë dorëheqjen, tha një burim për Reuters.

Roth dhe Wheeler nuk iu përgjigjën menjëherë kërkesave për koment. Bloomberg dhe faqja e lajmeve teknologjike Platformer raportuan fillimisht dy largimet.

Më herët dje, shefja e sigurisë së Twtter, Leah Kisner, tha në një postim se edhe ajo kishte dhënë dorëheqjen.

Komisioni Federal i Tregtisë i SHBA (FTC) tha se po vëzhgon zhvillimet në Twitter me “shqetësim të thellë” pas dorëheqjes së tre drejtuesve të lartë, pasi ata e ekspozojnë Twitterin ndaj rrezikut të shkeljes së mundshme të rregullave federale.

Në takimin e tij të parë me punonjësit pasditen e djeshme, Musk paralajmëroi se kompania ka të ngjarë të humbasë miliarda dollarë vitin e ardhshëm, siç raportohet nga faqja e lajmeve teknologjike The Information.

Twitter nuk iu përgjigj menjëherë kërkesave për koment mbi falimentimin e mundshëm, paralajmërimin e FTC ose largimet e ekzekutivit.

Wheeler ka qenë fytyra e reklamave të Twitter që kur Musk mori kontrollin e kompanisë.

Roth, i cili ishte përgjegjës për sigurinë, tha se Twitter ka reduktuar pamjen e përmbajtjes së dëmshme në rezultatet e kërkimit me 95%, krahasuar me situatën përpara se Musk të blinte platformën.

Musk, i cili lëvizi pa hezitim për të pastruar situatën në kompani pasi përfundoi blerjen e saj më 27 tetor, ka thënë se Twitter Inc ka humbur 4 milionë dollarë në ditë, kryesisht për shkak se reklamuesit janë larguar që kur ai mori kontrollin.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu