Derbi Tirana-Partizani u mbyll në barazim 1-1, por vetëm rezultati në shifra ishte paqësor. Edhe pas takimit, në tribunat e “Air Albania” ka patur përplasje mes tifozërive, çka ka sjellë ndërhyrjen e FNSH. Mësohet se janë shkulur edhe ulëse dhe situata është kthyer në normalitet vetëm pas disa minutash.
Gjithçka ka nisur pasi ekipet shkuan në dhomat e zhveshjes, me të dyja palët e tifozerive që ngacmonin njëra-tjetrën me fjalë. Pasi mbështetësit u afruan, filloi tensioni dhe sherri. Ndërhyrja e policisë qetësoi situatën mes tifozëve.
