Zika, 27-vjeç dhe Idrizi, 38-vjeç, u gjetën në tavanin në pjesën e pasme të shtëpisë së madhe, gjysmë të shkëputur, kur policia e bastisi atë pak para orës 9 të mëngjesit të 23 majit.
BRITANI- Një hidraulik dhe një punëtor ndërtimi shqiptar të cilët shkuan ilegalisht në Mbretërinë e Bashkuar u kujdesën për një fermë të madhe droge në Kettering për të shlyer borxhet e trafikantëve. Mediat e huaja shkruajnë se Fabrizio Zika dhe Elmaz Idriz u kapën kur policia bastisi një shtëpi në Headlands dhe gjeti kanabis me vlerë potencialisht deri në 415,000 £.
Shqiptarët kishin para borxh ndaj bandave që i kishin futur kontrabandë në Britaninë e Madhe dhe u thanë se do të shlyenin borxhet e tyre, duke u kujdesur për fermat me lëndë narkotike.
Të premten ata u burgosën secili me dy vite e katër muaj burg, pasi Gjykata e Kurorës së Northampton dëgjoi rrëfimet sesi ata u përfshinë në botën kriminale. Zika, 27-vjeç dhe Idrizi, 38-vjeç, u gjetën në tavanin në pjesën e pasme të shtëpisë së madhe, gjysmë të shkëputur, kur policia e bastisi atë pak para orës 9 të mëngjesit të 23 majit.
Një kontroll në tetë dhoma në pronën trekatëshe, ku jetonin dyshja, bëri të mundur gjetjen e 488 bimëve të kanabisit, si dhe kabllo elektrike, ndriçim, llamba ngrohjeje, çarçafë dhe ajrim në një mjedis të sofistikuar.