Granit Gjana , Prefekt i Kukësit është pezulluar nga detyra , pasi është bërë një hetim ndaj tij nga SPAK për “shkelje të barazisë në tendera ” .
Hetimi për të ka nisur kur ka qenë zv/kryetar i Bashkisë së Kukësit . SPAK tregon se nga provat e grumbulluara është krijuar dyshimi i arsyeshëm se Gjana në cilësinë e zv/kryetarit të bashkisë , por me kompetencat e deleguara si titullar i Autoritetit Kontraktor Bashkia Kukës , ka konsumuar elementë të veprës penale ” Shkelja e barazisë së pjesëmarrësve në tendera apo ankande publike ” .
Gjana , ka dhënë dorëheqjen pranë ministrit të Brendshëm , Taulant Balla .
