Kompania farmaceutike Pfizer ka vendosur t’i dhurojë Ukrainës të gjitha fitimet e saj në Rusi, në kuadër të mbështetjes humanitare.
Në një deklaratë, kompania njofton se ende do të vazhdojë dërgimi i ilaçeve në Rusi, por në valën e sanksioneve ndaj Rusisë, do të ndërpriten të gjitha investimet e planifikuara për t’u kryer në të ardhmen.
“Pfizer do të ndërpresë të gjitha investimet e planifikuara me furnitorët vendas që synojnë të ndërtojnë kapacitete prodhuese në vend.”- thuhej në deklaratë.
