Një plagosje me thikë ka ndodhur ditën e djeshme në “Rrugën e Dibrës” në Tiranë, ku është lënduar një 34-vjeçar.
Policia njofton se në rrethana ende të paqarta, një shtetas ende i paidentifikuar ka goditur me thikë një 34-vjeçar, i cili ndodhet në spital, jashtë rrezikut për jetën.
“Më datë 04.07.2021, në Rrugën e Dibrës, në rrethana ende të paqarta, një shtetas ende i paidentifikuar e ka goditur me mjet prerës shtetasin E. Sh., 34 vjeç, i cili ndodhet në spital, jashtë rrezikut për jetën. Punohet për identifikimin, kapjen e autorit dhe sqarimin e plotë të rrethanave të ngjarjes”, thuhet në njoftimin e bërë nga policia.
Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.
