TIRANË- Ka dalë sot para gjykatës së Fierit, 17-vjeçari i cili ka goditur 4 herë me mjet prerës shokun e klasës në gjimnazin “Mustafa Hoxha” në Cakran, pas një konflikti të çastit.
17-vjeçari pritet të njihet me masën e sigurisë pasi dy ditë më parë u vu në pranga për vrasje me dashje të mbetur në tentativë.
Sipas të plagosurit, konflikti ka nisur një muaj më parë pas postimit të disa fotove në rrjetet sociale, ndërsa dëshmia e autorit sot pritet të hedhë më shumë dritë mbi ngjarjen.
