Gjykata e Lartë e Zyrihut shpalli fajtore një efektive të policisë, e cila plagosi përpara 5 vitesh një shtetas shqiptar nga Kosova. Punonjësoja e policisë në kantonin Ossingen, rajoni Zurcher ëeinland qëlloi 3 herë ndaj shtetasit nga Kosova teksa dyshonte se ai ishte grabitës dhe sot gjykata e konsideroi fajtore për veprën penale plagosje nga pakujdesia.
Në maj të 2016, 36-vjeçarja pikasi 41-vjeçarin në një makinë. Ajo shkoi drejt tij duke dyshuar se ishte grabitës dhe i kërkoi të mos lëvizte, por nga frika se ai mund të largohej e goditi me 3 plumba nga xhami i shoferit. Njëri prej plumbave e kapi në dorën e majtë, të cilën e ka sot pjesërisht të paralizuar.
Sipas të dhënave, i plagosuri rezultoi të ishte vërtet grabitës, por ai nuk bëri kundërshtim dhe rezistencë gjatë momentit të ndalimit. Për këtë arsye, avokati i tij ka kërkuar dëmshpërblim prej 70 mijë frangash, ndërsa efektivja e policisë duhet të paguajë për dëmin e shkaktuar 28.800 franga. Më pas, ajo do të transferohet në një rajon tjetër të Zvicrës për të punuar në zyrë, jo në terren.
Marrë nga “Andelfinger Zeitung”
