Një tjetër punëtor shqiptar ka humbur jetën në Itali. Bëhet fjalë për një 56-vjeçar, që jetonte prej shumë vitesh në Firenze të Italisë.
Ai ka rënë nga çatia e një ndërtese dhe ka humbur jetën tragjikisht. Ngjarja e rëndë ndodhi në Prato, pranë Firences, sot rreth orës 9:30.
Menjëherë u njoftua ambulanca, por shqiptari nuk mundi dot t’i mbijetojë plagëve të marra.
56-vjeçari po zëvendësonte disa tjegulla në kapanonin e një ofiçine, kur shkeli në një dritare dhe ra tragjikisht. Drejtuesi i ofiçinës njoftoi menjëherë urgjencën, por dëmtimet e marra ishin shumë të rënda dhe fatale për punëtorin.
Burimi: FirenzeToday | joq
