Policia italiane ka arrestuar dy shqiptarë në përpjekje për të grabitur banesën e Gianni Rivera, ish-futbollisti dhe politikani i njohur italian.
Shqiptarët u kapën me një aparaturë metalshkrirëse, që mendohet se do ta përdornin për të shkallmuar kasafortën brenda shtëpisë, ku Rivera mbante sendet me vlerë.
Ngjarja ka ndodhur në zonën e Trevit. Dy shqiptarëve u ka dalë situata nga kontrolli dhe për arsye që mbeten ende për t’u zbardhur me aparaturën metalshkrirëse besohet se i kanë vënë pa dashje flakën gjithë shtëpisë.
Duke u ikur flakëve me një pjesë të sendeve me vlerë të grabitura ata kanë dalë menjëherë jashtë, por menjëherë janë vënë në prangat e policisë.
Gjatë kontrollit atyre iu gjet dhe sekuestrua si provë një medalje të marrë nga Milani, një fanelë origjinale e Ibrahimoviç, një medalje e ligave amatore dhe rreth 6 mijë euro.
