Britania e Madhe mund të tërhiqet nga konventa për të drejtat e njeriut, pjesë e së cilës ka qenë për 70 vjet, në mënyrë që të çojë përpara politikat e ashpra të migracionit te bllokuara nga gjykatat.
Kryeministri Rishi Sunak, kërkon të deportojë në Ruanda, këdo që hyn ilegalisht në Britaninë e Madhe, por plani është përballur me një sërë sfidash ligjore.
Kjo ka bërë që disa konservatorë të kërkojnë largimin nga konventa europiane për të drejtat e njeriut, në mënyrë që ta kenë më të lehtë të implementojnë planin.
Ministri i emigracionit, Robert Jenrick tha se qeveria do të bëjë gjithçka të nevojshme që politikat të zbatohen, kur u pyet mbi mundësinë e tërheqjes nga konventa. Megjithatë ai këmbëngul se plani nuk bie ndesh me të.
Pavarësisht nënshkrimit të një ujdie mes Britanisë së Madhe dhe Ruandës për sistemimin e emigrantëve atje në prill të 2022-shit, asnjë deportim nuk ka ndodhur deri më tani, ndërsa pritet një tjetër sfidë ligjore në gjykatën e lartë.Shefja e Jenrick, sekretarja e shtetit për çështjet e brendshme, Suella Braverman e ka shprehur me herët dëshirën për të tërhequr Londrën nga konventa, të cilën ndihmoi të hartohej dhe nënshkroi në vitin 1953.
