RUSI- Autoritetet ruse njoftojnë se kanë vendosur Piotr Hofmanski, presidentin e Gjykatës Ndërkombëtare Penale, në listën e saj të kërkuar.
Në mars, gjykata me bazë në Hagë shpalli një urdhër-arresti për Putinin për deportimin e paligjshëm të fëmijëve ukrainas, që është një krim lufte.
ICC lëshoi gjithashtu një urdhër kundër Maria Lvova-Belova, komisionerja presidenciale e Rusisë për të drejtat e fëmijëve, me akuza të ngjashme, shkruajnë mediat e huaja.
Ministria e Brendshme nuk dha detaje për akuzat kundër Hofmanskit. Rusia ka lëshuar më parë urdhër-arrest për prokurorin e ICC-së Karim Khan dhe disa gjyqtarë. Rusia, e cila nuk është anëtare e ICC-së, këmbëngul se urdhër-arresti kundër Putinit është “i pavlefshëm”.
Në shtator, ICC hapi një zyrë në terren në Ukrainë, si pjesë e përpjekjeve për t’i mbajtur forcat ruse përgjegjëse për ofensivën e Moskës në vendin e mbështetur nga perëndimi.
