Policia e Korçës ka shpallur në kërkim dy të rinj, të cilët dyshohet se janë përfshirë në plagosjen me dashje të një 30-vjeçari, ndërsa ata janë E.M., 26 vjeç dhe G. V., 24 vjeç, të dy banues në Maliq.
Sipas policisë, dy të rinjtë mbrëmjen e djeshme gjatë një konflikti për motive të dobëta, dyshohet se kanë goditur me grushte dhe mjet prerës Sh. H., 30 vjeç, duke i shkaktuar dëmtime të lehta trupore.
Ky i fundit ndodhet në spitalin rajonal ku po merr shërbimin e nevojshëm mjekësor, ndërsa policia është vënë në ndjekje të dy agresorëve.
