Ish kryeministri Sali Berisha a reaguar pas aksidentit tragjik të ndodhur ku sipas informacioneve zyrtare më të fundit të publikuara ditën e sotme, plot 44 persona kanë humbur jetën dhe pjesa më e madhe e tyre janë shqiptarë.
Berisha tha se ndryshe nga Kosova, Maqedonia e Veriut dhe Bullgaria që shpallën zi kombëtare, kryeministri Rama nuk e kishte bërë të njëjtin veprim duke u sjellë sikur kjo ngjarje kishte ndodhur në ndonjë vend të largët.
Postimi i Plotë nga ish-kryeministri, Sali Berisha:
Nje akt cinik dhe qendrim antikombetar!
Te dashur miq, ne traditen e fqinjesise se mire, zija ndahet si midis familjeve por edhe midis shteteve. Per aksidentin me tragjik te rajonit ne dy dekadat e fundit, shkrumbimin e 46 shqiptareve qytetar te Maqedonise se Veriut por dhe te Kosoves ne flaket e autobuzit ne Bullgari, shpallen nje dite zie kombetare tre shtete Maqedonia e Veriut, Kosova dhe Bullgaria.
Kurse Edvin Kristaq Rama qendroi zemerdru. Nuk pranoi te ndaje zine per 46 jete te humbura shqiptaresh me fqinjet tane por u suall sikur kjo tragjedi te kishte ndodhur ne ndonje vend te Oqeanise.
Mos shpallja zi kombetare se bashku me Maqedonine e Veriut, Kosoven dhe Bullgarine per 46 shqiptare qe humben jeten ne flaket e autobuzit eshte akti i fundit cinik dhe antikombetar i Edvin Kristaq Rames. sb
