Kriza në Mbretërinë e Bashkuar/ Qeveria zëvendëson shoferët me ushtrinë, nis furnizimi me karburant

0

Teksa Mbretëria e Bashkuar po përballet me një krizë të furnizimit me karburant për shkak të mungesës së shoferëve, duket se zgjidhjen e përkohshme e ka gjetur tek ushtria. Personeli ushtarak britanik po dërgon karburant në stacionet e benzinës, një përpjekje për të lehtësuar një krizë furnizimi të shkaktuar nga mungesa e shoferëve të kamionëve.

Rreth 200 personel shërbimi, përfshirë 100 shoferë, u vendosën të hënën për të ndihmuar në rritjen e dërgesave.

“Shoferët e ushtrisë kanë dalë jashtë. Njerëzit duhet ta dinë që ne po bëjmë gjithçka që mundemi”- tha kancelari Rishi Sunak për LBC Radio.

Mbretërisë së Bashkuar i mungojnë mijëra kamionistë për shkak të pandemisë koronavirus dhe një eksodi të punëtorëve të huaj pas largimit të vendit nga Bashkimi Evropian.

 

 

Mungesa ka ndikuar në zinxhirët e furnizimit për gjithçka, nga derri dhe benzina deri tek shpezët, ilaçet dhe qumështi, duke kontribuar në raftet e zbrazëta të supermarketeve dhe stacionet e karburantit të mbyllur.

Në të gjithë qytetet kryesore javën e kaluar, radhët u krijuan në shumë stacione mbushëse, duke shkaktuar bllokime të trafikut në rrugët e ngarkuara.

LEAVE A REPLY

Please enter your comment!
Please enter your name here