Autobusë të shumtë janë nisur ditën e sotme nga veriu i Mitrovicës me qytetarë serb për të votuar në referendumin e Serbisë. Telegrafi shkruan se serbët e Kosovës do të mund ta ushtrojnë të drejtën e tyre të votës në qendrat e votimit në Kurshumli, Novi Pazar, Rashkë e Vranjë.
Ndërkohë që radhët në pikat kufitare Jarinje dhe Merdare janë shtuar shumë, për shkak të autobuëve serb. Sipas të dhënave të fundit të publikuara nga Qendra Kombëtare për Menaxhim Kufitar, raportohet se në dalje të këtyre dy pikave kolona është e gjatë nga 100 deri në 200 metra, kurse pritjet janë 15 deri në 60 minuta.
