Rama: Ballkani i Hapur nuk është konspiracion. Por çlirimi i forcave të punës nga të gjitha pengesat burokratike dhe zinxhirët e legjislacioneve të ndryshme. Në Ballkanin e Hapur nuk ka nevojë për konsensus, ashtu sikurse pritet në CEFTA. Ballkani i Hapur është interes për të gjitha vendet e Ballkanit dhe thirrja jonë për të tjerët është që ata të vijnë dhe të mos humbasin kohë. Askush nuk do ta ndalë rrugëtimin tonë dhe as nuk do të mund ta ndryshojë trajektoren e nisur tashmë, që nuk kthehet mbrapa.
