ITALI- Juventus barazoi mbrëmjen e së dielës me rezultatin 2-2 ndaj Salernitanës. Një sfidë e cila prodhoi polemika të shumta duke qenë se bardhezinjtë e përmbysën sfidën në minutat shtesë falë një goli të Milik.
Megjithatë, pak sekonda pas një feste të çmendur me polakun që mori edhe kartonin e dytë të verdhë pasi hoqi fanellën, arbitri Marcenaro vendosi të anuloj golin për një pozicion jashtë loje të Leonardo Bonuccit.
Shoqata e arbitrata (AIA) është shprehur përmes një shënimi zyrtar se ka pasur mungesë të imazheve që sqarojnë pozicionin e saktë të futbollistit të Salernitanës, duke mohuar pozicionin jashtë loje të mbrojtësit të Juventusit.
“Organi teknik i CAN ka parë të gjitha pamjet e vendosura në dispozicion nga VAR për ndeshjen në fjalë, duke mos gjetur asnjë korrespondencë me videon në fjalë. Organi teknik i CAN pyeti shprehimisht edhe kompaninë që ofron shërbimin teknologjik për VAR nëse kamera në fjalë, e përcaktuar si taktike, ishte në dispozicion të zyrtarëve të VAR për ndeshjen e luajtur në stadiumin e Juventusit.
Përgjigja që u dha ishte se kamera nuk ishte në dispozicion të VAR-it dhe për këtë arsye nuk mund të përdorej nga gjyqtarët. Me këtë jemi të bindur se kemi sqaruar ngjarjen.”
