Sot u luajtën dy ndeshjet e mbetura për javën e 25-të të Superiores. Ishin dy fitore në transfertë. Teuta mposhti Tiranën me një gol, ndërsa Partizani fitoi ndaj Flamurtarit 1 me 2.
Tashmë gara për “Final Four” është ndezur. Partizani numëron po aq pikë sa Dinamo e vendit të katërt, ndërsa Teuta ndjek me 3 pikë më pak. Vllaznia vijon në krye, duke u ndjekur nga Egnatia dhe më pas Elbasani.
Po ashtu gara për të mbijetuar është e ndezur. Vora e vendit të shtatë, ndodhet vetëm 6 pikë para Flamurtarit të vendit të fundit. Tirana që doli pa pikë nga kjo javë zbret në vendin e parafundit.
