Roma ka mundur Napolin në Serie A për herë të parë pas 4 vitesh. Skuadra e Mazzarrit humbi 2-0 në “Olimpico”, në sfidën e javës së 17-të.
Pjesa e parë ishte mjaft emocionuese dhe e luftuar, ku arbitri Colombo nxorri gjashtë herë kartonin e verdhë .
Minuta e 67-të solli një nga episodet më të rëndësishme të takimit. Zalewski tërhoqi nga fanella Politano-n, me këta të fundit që nga irritimi godet me këmbë kundërshtarin, duke detyruar gjyqtarin t’i japë kartonin e kuq.
Në inferioritet numerik, kampionët e Italisë rezistojnë vetëm 10 minuta, pasi pësuan gol nga Pellegrini, i cili shfrytëzoi më së miri një asist të El Shaarawy. Goli i dytë u shënua nga Lukaku.
Roma e vendit të gjashtë provon ti afrohet një vendi që të çon në Champions League. Napoli vijon me paraqitjet me ulje-ngritje, teksa aktualisht renditet në vendin e shtatë.
