PAKISTAN- Pas më shumë se 12 orësh, 8 banorët e bllokuar në teleferikun në Pakistan janë liruar nga një operacion shpëtimi. Ushtria e Pakistanit tha se misioni i shpëtimit kishte qenë jashtëzakonisht i vështirë dhe i rrezikshëm. Incidenti ndodhi rreth orës 07:00 me orën lokale (02:00 GMT) të martën pranë qytetit Battagram në provincën Khyber Pakhtunkhëa. Gjashtë fëmijë, të moshës 10 deri në 16 vjeç, u bllokuan, së bashku me dy të rritur, shkruajnë mediat e huaja.
Një nga fëmijët e bllokuar në teleferik ka përshkruar përvojën e frikshme, duke thënë se mendoi se ishte dita e tij e fundit e jetës.
“Kur ashensori i karrigeve ishte në gjysmë të rrugës, litari i tij u këput. Ishte i varur dhe unë isha i tmerruar,” tha Attaullah Shah.
“Të gjithë dolën me nxitim nga shtëpitë e tyre [për të vëzhguar operacionin]. Një fëmijë nga pothuajse çdo familje ishte këtu,” tha një tjetër.
Teleferiku është një mënyrë transporti popullore dhe e lirë për të kaluar nëpër luginën e Allait – duke shkurtuar një udhëtim dyorësh rrugësh përmes terrenit malor në vetëm katër minuta. Kur kablloja u këput papritur, teleferiku po bënte udhëtimin e saj të pestë të ditës. Banorët përdorën altoparlantët për të njoftuar zyrtarët për krizën, por u deshën të paktën katër orë që helikopteri i parë i shpëtimit të mbërrinte në vendin e largët.
