ITALI – “San Siro” përgatit një pritje të ftohtë për Donnarumman. Duke mbërritur i lirë te PSG gjatë afatit kalimtar të verës 2021, tifozët milanezë nuk e kanë tretur mënyrën, me të cilën portieri i kombëtares u largua nga klubi, të cilit i ishte bashkua në moshën 14-vjeçare.
Ai i kishte lënduar ata, veçanërisht duke sugjeruar se do të vazhdonte kontratën e tij, përpara se t’i kthente shpinën klubit të tij dhe të nënshkruante në kryeqytetin francez.
Me rastin e pritjes së Parisit, për ditën e 4-t të Champions League të martën, tifozët po përgatisin një pritje që pritet të jetë plot ngjarje për ish-portierin e tyre. Në menynë për italianin: bilbila të shpërndara në tribuna si dhe tufa me kartëmonedha false dhe fanela të stampuara me numrin 71, sinonim i rajonit të Napolit, prej nga vjen Donnarumma, i një njeriu të pavlerë.
Nga ana sportive, AC Milan, i fundit në Grupin F me 2 pikë pas humbjes së tyre në “Parc des Princes” (3-0) më 25 tetor, do të duhet të arrijë një rezultat për të vazhduar shpresën në grupin më të vështirë. Parizienët, kryesues me 6 pikë, do të duhet të fitojnë për të kaluar drejt kualifikimit të 12-të radhazi në fazën e 16-të.
