Shantazh me video intime një vajze, si u futën në kurth ish-i dashuri dhe kushëriri i tij

0

 

Policia e Tiranës ka zbardhur një ngjarje të rëndë, ku një vajzë e re shantazhohej me video intime nga ish i dashuri i saj.

E dëmtuara kërcënohej se nëse nuk i jepte një shumë parash, videoja do të publikohej.

Si të dyshuar për ngjarjen, policia ka shpallur në kërkim ish-të dashurin e vajzës Dëfrim Kurti, ndërsa si bashkëpunëtor ka arrestuar kushëririn e tij Afrim Kurti.

Pasi i kishte marrë celularin të resë, Dëfrimi e kërcënonte ish-të dashurën se do i publikonte video intime që gjendeshin në të, nëse nuk jepte para.

Por në vendin ku e dëmtuara supozohej se duhet të dorëzonte paratë, policia prangosi Afrim Kurtin, ndërsa i dyshuari kryesor u shpall në kërkim.

Dëfrim Kurti u arrestua edhe në vitin 2019, i dyshuar si i përfshirë në vrasjen e shoferit të furgonit të pasagjerëve, Arben Gjeci, me të cilin kishte lidhje jashtëmartesore bashkëshortja e tij Elida Cani.

Dëfrim Kurti u la i lirë, pasi u zbulua se Gjecin e kishte vrarë vëllai i Elidës, Esat Cani.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu