Një ngjarje e rëndë ka ndodhur në qytetin kinez të Suzhou, ku si pasojë e shembjes së një pjese të hotelit, kanë humbur jetën 8 persona.
Sipas mediave të huaja, si pasojë 9 persona janë zhdukur, dhe ekipet e kërkim shpëtimit po kërkojnë nën rrënoja për të gjetur trupat e zhdukur.
Shembja e një pjese të hotelit ‘Siji Kaiyuan’ në qytetin bregdetar ndodhi të hënën pasdite. Ministria e Menaxhimit të Emergjencave dërgoi më tej një ekip për të ndihmuar në operacionin e shpëtimit. Shkaku i shembjes mbetet ende nën hetim.
‘Siji Kaiyuan’ është një hotel që e ka nisur aktivitetin në 2018. Pjesa që u shemb ishte tre kate ndërsa në total hoteli kishte 54 dhoma.
