Pavarësisht sigurimeve të fundit të Zhang Jindong për borxhet e “Suning”, çështja e shitjes është gjithmonë në rendin e ditës te Inter. Sipas raporteve të “Corriere dello Sport”, drejtuesit zikaltër janë ende duke punuar, për të shitur një pjesë apo edhe të gjithë paketën e klubit.
Një situatë, që në muajin e fundit është përshpejtuar në SHBA, çka e detyroi Steven Zhang që të fluturonte drejt Los Angeles, për të vlerësuar skenarët e mundshëm dhe për të folur drejtpërdrejt me grupet e interesuara për të blerë Interin.
Me pakujdesi, “Corriere dello Sport” flet për tre blerës të mundshëm amerikanë, por fokusohet mbi të gjitha në figurën e Daniel E. Straus, biznesmen 65-vjeçar nga Nju Jorku, në krye të një grupi që merret me shëndetin dhe menaxhon një fond, i cili vitet e fundit ka investuar jo vetëm në kapitalin privat dhe prona të paluajtshme, por edhe në sport.
Përmes “Bridge Sports”, Straus më parë mori përsipër një pjesë të ekskluzivitetit të Memphis Grizzlies NBA, ku ai ishte zv.president deri në vitin 2018 dhe disa vite më vonë ai u përpoq përsëri me Minesota Timberwolves, por sulmi dështoi.
Operacione këto që konfirmojnë interesimin e biznesmenit për botën e sportit dhe e vendosin atë në mesin e kandidatëve kryesorë, të gjetur nga banka e punësuar nga Zhang për të kërkuar blerës të mundshëm.
Më tej, sipas “CdS”-së, bashkëpunëtorët e 65-vjeçarit nga Nju Jorku kanë pasur mundësinë të shikonin me kujdes llogaritë e Interit dhe kanë mbledhur mjaft elementë për të bërë ofertën e parë.
Oferta që “Suning” do t’i vlerësojë me standardet dhe objektivat e zakonshme ekonomike. Për shitjen e klubit, kërkesa për pronësinë aktuale të Interit, është gjithmonë rreth një miliardë euro. Sidomos, pas dritës së gjelbër të fundit, për ndërtimin e stadiumit të ri.
