TIRANË- Është shkarkuar nga detyra drejtori i Gjendjes Civile, Vangjush Stavro. Mësohet se me firmën e ministrit të Brendshëm, Ervin Hoxha, është larguar nga detyra drejtori i përgjithshëm i Gjendjes Civile.
Stavro e ka mbajtur këtë detyrë prej më shumë se 3 vitesh. Ai u emërua në krye të Gjendjes Civile në pranverë të vitit 2021. Nuk dihet ende se kush do ta zëvendësojë atë.
