Shkencëtarët kinezë kanë ndërtuar një “hëne artificiale” që do t’u mundësojë atyre që të simulojnë mjedise me gravitet të ulët duke përdorur magnetizëm. Objekti, i planifikuar për lançimin zyrtar këtë vit, do të përdorë fusha të fuqishme magnetike brenda një dhome vakumi me diametër 2 këmbë ose ndryshe 60 centimetra për të bërë të mundur që graviteti të “zhduket”.
Li Ruilin, një inxhinier gjeoteknik në Universitetin e Minierave dhe Teknologjisë në Kinë, i tha South China Morning Post se dhoma, e cila do të mbushet me gurë dhe pluhur për të imituar sipërfaqen hënore, është “e para e llojit të saj në botë”. Shkencëtarët planifikojnë të përdorin objektin për të testuar teknologjinë në mjedise të gjata me gravitet të ulët përpara se të dërgohet në Hënë, ku graviteti është vetëm një e gjashta e fuqisë së tij në Tokë.
Kjo do t’i lejojë ata të përballojnë çdo ndryshim të kushtueshëm teknik, si dhe të testojnë nëse struktura të caktuara do të mbijetojnë në sipërfaqen e Hënës dhe të vlerësojnë qëndrueshmërinë e një vendbanimi njerëzor atje. Kina gjithashtu ka deklaruar se do të krijojë një stacion kërkimor hënor në polin jugor të hënës deri në vitin 2029.
Testet në dhomë do të përdoren për të informuar programin kinez të eksplorimit hënor Chang’e , i cili e ka marrë emrin nga perëndesha kineze e hënës. Ndërsa po ashtu, Kina ka deklaruar se do të krijojë një stacion kërkimor në Hënë deri në vitin 2029.
Marrë nga space.com
