Skandaloze është ajo që ka ndodhur ditën e sotme në Kategorinë e Parë të futbollit, në vend.
Burreli dhe Korabi barazuan 1-1 këtë të diel për javën e 11-të, ndeshje e cila u zhvillua në stadiumin në “Liri Ballabani”, por ajo që tërhoqi vëmendje ishin skenat e dhunës, që i zunë vendin sportit.
Lojtarët dhe stafet e dy skuadrave janë përleshur mes tyre, pas një ndërhyrjeje të gabuar nga vendasit në dëm të lojtarëve të Korabit. Situata degradoi aq sa në fushë u desh të hynin dhe forcat e rendit, teksa disa lojtarë mbetën të gjakosur. Në pamjet më poshtë duket qartë se disa lojtarë janë fashuar, teksa tifozët nuk ngurojnë të ofendojnë futbollistët.
