Humbja ndaj Partizanit djeg për trajnerin e Skënderbeut, që doli nga Tirana me duarbosh. Pjesa që e ka acaruar teknikun është vendimi qesharak i gjyqtarit për anuluar golin e skuadrës së tij.Në “SuperSport” ai komentoi humbjen ndaj Partizanit si të ndikuar nga arbitrit.
“O sa më vjen për të qeshur! Topin e ka kapur në kurriz Jan Viktor. Nuk e ka prekur me dorë, gjuan në kurriz dhe shkon në rrjetë. E dyta, arbitri ka anuluar këtë gol pa marrë sinjal nga VAR-i, e ka anuluar direkt dhe mua lojtari më ka thënë që nuk e kam prekur fare.
E ka kapur topi në pjesën e ijës. Këta që marrin vendimet duhet të më thonë edhe që prekja e Dajës në Kamëz pse nuk u dha penallti. Kjo është flagrante fare, mungon një karton i kuq të penalltia. Nuk është prekje me dorë kjo. Kjo është estradë dhe nuk di çfarë të them. Qahen për arbitra këta!
Me jepni edhe golin e shënuar të Partizanit, kush merr pjesë në aksion te goli i dytë i Carës? Merr pjesë Musta në aksion se ka ulur kokën. Rasti më flagrant është i kuqi që nuk u dha te penalltia dhe topi që kap në ije. Imagjinoni kur këto bëhen në “Air Albania”, çfarë duhet të presim në fusha të tjera?.
