E ardhmja e Kristjan Asllanit vijon të jetë çështje e rëndësishme në shtëpinë e Interit. Ashtu siç është përfolur edhe më parë, Bologna është e interesuar për mesfushorin shqiptar, të cilin e vlerëson në maksimum.
Operacioni mbetet i komplikuar për shumë arsye. Zikaltërit nuk pranojnë lojtarë në këmbim dhe Ausilio i ka bërë të qartë drejtuesve të Bolognas se klubi i Interit nuk bie nga pretendimet prej 18 milionë.
Kjo shifër konsiderohet e lartë dhe vështirë se Bologna mund ta arrijë.
Kohët të fundit emri i Asllanit përfundoi edhe në radarët e Betis, por destinacioni i La Liga nuk u pa si u duhuri për mesfushorin e kombëtares.
