Sot zhvilohen zgjedhjet presidenciale në Francë, me përballjen e fortë mes presidentit aktual Emanuel Macron dhe Marin Le pen.
Sondazhet e fundit kanë treguar një rënie të dukshme në avantazhin e presidentit Emmanuel Macron ndaj sfidueses së tij kryesore, kandidates së ekstremit të djathtë, Marine Le Pen. Një muaj më parë, Marine Le Pen ishte pas Macron me 10 pikë. Tani ajo shihet si favoritja për ta sfiduar atë për presidencën në balotazh. Nëse ajo kalon në raundin e dytë, sondazhet sugjerojnë për herë të parë se një fitore e Le Pen është brenda kufirit të gabimit.
Fushata tani ka përfunduar dhe pjesëmarrja e votuesve pritet të jetë më e ulët se zgjedhjet e mëparshme në Francë. Edhe pse gara është lënë në hije nga lufta në Ukrainë, çështja kryesore për shumë votues është kostoja e jetesës.
Macron dhe zonja Le Pen janë favoritët e fortë, por ka 10 kandidatë të tjerë që konkurrojnë për të arritur në raundin e dytë më 24 prill.
Si fillim, vitet e fundit, deri në 30% e votuesve francezë kanë vendosur vetëm për kë të votojnë në minutën e fundit dhhe shumë votues thanë se ende nuk kishin vendosur. Është një nga arsyet pse Emmanuel Macron kaloi orët e fundit të fushatës duke u përpjekur t’i jepte goditje rivalit të tij kryesor për presidencën. Sepse Marine Le Pen tani është në distancë prekëse në sondazhe.
Zgjedhjet ka gjasa të shkojnë në dy raunde. Emmanuel Macron, presidenti aktual, synon të fitojë një mandat të dytë. Nga gjashtë pretendentët kryesorë, tre janë nga e djathta e politikës franceze dhe dy janë nga e majta.
Emmanuel Macron shihet si një centrist. Ai përfaqëson partinë Republika në Lëvizje dhe tërheq votues nga e djathta dhe e majta. Marine Le Pen dhe Eric Zemmour janë të dy nga e djathta ekstreme, me Z. Zemmour që shihet si linja më e ashpër. Valérie Pécresse po qëndron për republikanët më të moderuar, të krahut të djathtë. Jean-Luc Mélenchon është nga partia e ekstremit të majtë France Unbowed, ndërsa Yannick Jadot është për të Gjelbrit.
